Feb 24, 2009

ചപലം; മോഹങ്ങള്‍



ആ കാലമെങ്ങോ കടന്നുപോയി 
നിനവിന്‍റെ നീര്‍ച്ചാലു മാഞ്ഞുപോയി 
സ്വപ്‌നങ്ങള്‍ നല്‍കി വളര്‍ത്തിയെടുത്തോരെന്‍  
ചെമ്പകത്തൈ വാടി വീണുപോയി..  

ഓര്‍മകളൊക്കെ കൊഴിഞ്ഞു പോയി 
ആത്മാവും ഏകാന്തമായി മാറി 
കാലം ഏല്‍പിച്ച ദുഖമാം ഭാണ്ടവുമായ്‌ 
യാത്ര പോവുന്നോരേകാകി ആണിന്നുഞാന്‍..  

എവിടെയെന്‍ ചപലമാം മോഹങ്ങള്‍; ഇവിടെയീ  
രണഭൂവില്‍ എന്നെയും എത്തിച്ച സത്യങ്ങള്‍ 
അവപരതി ഞാനെന്‍റെ അന്തരാളങ്ങളില്‍  
അവപരതി ഞാനെന്‍റെ ആത്മാവിനുള്ളിലും..  

ഒടുവില്‍ ഞാന്‍ കണ്ടങ്ങു ദൂരെ; മഴക്കാറു 
മൂടിയോരാകാശസീമതന്‍ അരികിലായ് 
ആ ചപലമോഹങ്ങള്‍; പോവുന്നു വീണ്ടുമൊരു 
പുത്തന്‍ പ്രഭാതവും ഹൃദയവും മോഹിച്ച്...!

(14/03/05)

4 comments:

  1. മോഹങ്ങൾ സാക്ഷാത്കരിയ്ക്കപ്പെടട്ടെ!
    ആശംസകൾ!!

    ReplyDelete
  2. ഓര്‍ക്കാനിഷ്ടമില്ലാത്തതാണ്‌ ഇന്നലകളെങ്കില്‍ അവയെ മറന്നേയ്ക്കുക......"ഇന്നി"ല്‍ ജീവിയ്ക്കാം...നളെയെ സ്വപ്നം കാണാം....ആശംസകള്‍......

    ReplyDelete
  3. യാത്ര പോവുന്നോരേകാകി ആണിന്നുഞാന്‍.. - Ellavarum angineyalle... Nannayirikkunnu. Ashamsakal.

    ReplyDelete
  4. നിരാശനാവല്ലേ ഷാനു‌... പുതിയ ഹൃദയം എവിടെയോ കാത്തിരിപ്പുന്ടെന്നെ...

    നല്ല വരികള്‍....!!!

    ReplyDelete